Ռուսիա Մ.Ա.Կ.ին ներկայացուցած է 2016ի ընթացքին սովորական սպառազինութիւններու մատակարարումներու վերաբերեալ իր զեկոյցը: «Խոշոր տրամաչափի հրետանային համակարգեր» բաժինին մէջ նշուած է Ռուսիոյ կողմէ Ատրպէյճանին վեց համակարգի փոխանցման մասին (հաւանաբար՝ ՏՕՍ-1ա «Սոլնցեպէօկ» ծանր հրանետային համակարգերու չորրորդ խմբաքանակը):
Ռուսիոյ ներկայացուցած զեկոյցին մէջ կը բացակային մամուլին մէջ հրապարակուած՝ Հայաստանին հրետանային սարքերու մատակարարումները (300մմ. ԲՄ-30 «Սմեր»չ եւ ՏՕՍ-1ա «Սոլնցեպէօկ»):
Մատակարարուած սպառազինութիւններու եւ ռազմական սարքերու աւանդական տեսակները զեկոյցին մէջ նշուած չեն: 2016ի զեկոյցին մէջ չհաշուարկուած սարքերու քանակը առաւել մեծցած է նախորդ տարիներու զեկոյցներուն համեմատ: Մատակարարուած սպառազինութիւններու եւ ռազմական սարքերու աւանդական տեսակներու մասին Մ.Ա.Կ.ին զեկուցելը կամաւոր է, այդ պատճառով շատ մը երկիրներ ամբողջական տեղեկութիւններ տալէ կը խուսափին:
