Ուրախութեամբ կը յայտնենք մեր սիրելի ժողովուրդին, որ Սուրբ Յակոբ Մծբնայ Հայրապետի տօնին առիթով
Կիրակի՝ 17 Դեկտեմբեր 2017ին տեղի պիտի ունենայ Գոքինիոյ Ս. Յակոբ եկեղեցւոյ անուանակոչութեան տօնը։
Այս առթիւ պիտի պատարագէ եւ յաւուր պատշաճի քարոզէ Յունաստանի հայոց թեմի բարեջան Առաջնորդ
ԳԵՐՇ. Տ. ԳԵՂԱՄ Ս. ԱՐՔ. ԽԱՉԵՐԵԱՆ
Ս. Պատարագի երգեցողութիւնը պիտի կատարուի քառաձայն՝ եկեղեցւոյս դպրաց դասուն կողմէ, ղեկավարութեամբ պ. Քերոբ Էքիզեանի
եւ երգեհոնի ընկերակցութեամբ տիկ. Տիրուհի Աշրեան-Գրիգորեանի։
Առաւօտեան ժամերգութիւն՝ ժամը 9ին։ Ս. Պատարագ՝ ժամը 10ին։
Պատարագի աւարտին տեղի պիտի ունենայ մատաղօրհնէք եւ հոգեհանգիստ եկեղեցւոյ մէջ ծառայողներու յիշատակին։
Ուրբաթ՝ 15 Դեկտեմբերի երեկոյեան ժամը 4ին, պիտի կատարուի մատաղցու ոչխարներու աղի օրհնութիւնը։
Բոլոր անոնք, որոնք կը փափաքին մատաղցու ոչխար նուիրել կամ նուիրատուութիւն ընել, թող բարեհաճին հեռաձայնել տիկին Մարօ Միքայէլեանին՝ 2104901347 թիւին եւ տիկին Այտա Գալայճեանին՝ 6932077542 թիւին։
Կը հրաւիրուի մեր բարեպաշտ ժողովուրդը՝ այս տարի եւս միասնաբար տօնախմբելու Գոքինիոյ Ս. Յակոբ եկեղեցւոյ անուանակոչութիւնը եւ տոգորուելու Ս. Յակոբ Մծբնայ Հայրապետի տօնին խորհուրդով։

ԹԱՂԱՅԻՆ ԽՈՐՀՈՒՐԴ ԵՒ ՏԻԿՆԱՑ ՄԱՐՄԻՆ