Նալբանդեան անհեթեթ որակած է Իլհամ Ալիեւի յայտարարութիւնները
Երէկ, Երեքշաբթի 30 Մայիսին, Երեւանի մէջ կայացած է Ե.Ա.Հ.Կ. գլխաւոր քարտուղար Լամպերթօ Զանիէրիի եւ Հ.Հ. արտաքին գործոց նախարար Էդուարդ Նալբանդեանի միջեւ հանդիպումը, որուն յաջորդած է համատեղ մամլոյ ասուլիս:
Ասուլիսին ընթացքին Է. Նալբանդեան ըսած է, թէ «Հայաստանը միշտ կողմնակից եղած է Ատրպէյճանի հետ թէ՛ արտաքին գործոց նախարարներու, թէ՛ նախագահներու մակարդակով հանդիպման ձեւաչափին, եթէ հասուննայ վիճակը ու տարուին աշխատանքներ կազմակերպման համար, հնարաւոր կը դառնայ հանդիպում կազմակերպել»:
«Եթէ անհրաժեշտութիւն ու առաջարկ կատարուի, գուցէ նաեւ կը քննարկուի հետագայ հանդիպումներու կազմակերպման հարցը: Կարծում եմ՝ այս պահին կարող է խօսք գնալ միայն նախարարների մակարդակով հանդիպման մասին, որպէսզի համապատասխան աշխատանք տարուի հետագայում նաեւ նախագահների մակարդակով հանդիպում կազմակերպելու համար»,- ըսած է նախարարը:
Ան անդրադարձած է նաեւ վերջերս Ատրպէյճանի նախագահ Իլհամ Ալիեւի կողմէ հնչած յայտարարութեան, թէ Լեռնային Ղարաբաղի հակամարտութիւնը պէտք է լուծուի «տարածքային ամբողջականութեան սկզբունքի հիման վրայ»: «Նմանօրինակ յայտարարութիւններին ես վերաբերում եմ այնպէս, ինչպես հնչեցուած միւս պնդումներին, թէ իբր Ատրպէյճանը բազմամշակութային համաշխարհային կենտրոն է, որը յարգում է բոլոր հիմնարար ազատութիւնները, մարդու իրաւունքները եւ հանդուժողական երկիր է, որը կարող է օրինակ ծառայել այլ երկրներին եւ այլ այս կարգի անհեթեթ պնդումներ»,- ըսած է Հ.Հ. արտաքին գործոց նախարարը:
Նալբանդեանը յիշեցուցած է, որ միջազգային հանրութիւնը ու եռանախագահները բազմաթիւ անգամներ ըսած են, որ խնդիրը պէտք է լուծուի ծանօթ երեք սկզբունքներու հիման վրայ, որոնք մէկ ամբողջութիւն են. անոնք են՝ ուժի եւ ուժի սպառնալիքի բացառում, ինքնորոշման իրաւունք եւ տարածքային ամբողջականութիւն, ինչպէս նաեւ այն տարրերը, որոնք կան եռանախագահող երկիրներու նախագահներուն կողմէ առաջարկուած յայտնի հինգ յայտարարութիւններուն մէջ:
Ե.Ա.Հ.Կ. Մինսկի Խմբակի համանախագահները 10 օրէն Երեւան եւ Ստեփանակերտ կ’այցելեն
ԵԱ.Հ.Կ. Մինսկի Խմբակի համանախագահներ Իկոր Փոփով (Ռուսաստան), Ռիչըրտ Հոկլանտ (ԱՄՆ) եւ Ստեֆան Վիսկոնտին (Ֆրանսա) 10 օրէն Հայաստան կը ժամանեն, «Արմէնփրես»ի փոխանցման համաձայն յայտնած է Հ.Հ. արտաքին գործերու նախարար Էդուարդ Նալբանդեանը, ԵԱՀԿ գլխաւոր քարտուղար Լամպերտօ Զանիերիի հետ ասուլիսի ժամանակ:
